اعلان

سوداني بالسعودية بعد اختفاءه 15سنه يعود ليحضر قصاص قاتل ابنه



سوداني بالسعودية بعد اختفاءه 15سنه يعود ليحضر قصاص قاتل ابنه رجل بسيط عمل راعي غنم مع ابنه (محمد ) في اطراف جده. قانعا بما قسمه له الله من حلال.. دا كان قبل 15 سنة.
- انهى محمد سعيه و رعيه ودخل عشته ونام في انتظار سعي اليوم التالي.. ولم يستيقظ ابدا.. ببساطة محمد مات. قتله تشادي طعنا ليسلبه 800 ريالا كانت في جيبه .. تحويشة عمره!
- لملم المفجوع عمكم عبدالله احزانه على ولده القتيل وحاجياته القليلةع وغادر نهائيا الي الدويم.. قبل 15 سنة كما قلنا. وظل القاتل التشادي حبيسا في السجن انتظارا لحد السيف والقصاص..
- طوال كل هذه السنوات.. بدأت عمليات بحث كبرى عن عمكم عبدالله.... وتحركت جمعية حقوق الانسان في جدة وعثرت عليه اخيرا.. و استقدمته بزيارة صدرت من امارة مكة المكرمة.
-وصل عمكم الي جدة لحضور القصاص من قاتل ولده. . وكما يحدث في مثل هذه الحالات تحركت حقوق الانسان لعل ابو القتيل يعفو مقابل الدية.
- رقم على يمينه 5 اصفار بالريال السعودي حرر شيكه فاعل خير باسم عمكم عبدالله.. ولو طلب زيادة الاصفار الي 6 او سبعة لما تردد الخيرون في دفعه..
- ما داير ملين منكم.. عفيتو لله والرسول .. ادوني دقايق اشاور المرة(ام محمد).. فيهاتفها في السودان ويأتي الرد:لو اخدت ريال ما عاد تجي البيت عافيهو لله وللرسول. لم تخذله ام محمد ..
- حاولت اللجنة اقناعه بان الشيك قد حرر وان فاعل الخير قد دفع.. عمكم عبد الله ثابت لا يتزحزح.
- حين احضرته لجنة حقوق الانسان الي الجريدة انتحيت به جانبا: يا عم عبد الله.. الاصفار الخمسة تضربها في الجنيه شوف بتعمل كم.. فيرد :ماني داير.. علي الطلاق محتاجو تب.. بيتي من الطين ومافيهو حتى مطبخ.. بس ماني داير!
- يا عم عبدالله.. فيلا .. شقة.. بيت في نص الخرطوم ... لا ماني داير
-لعلمكم لو رغب في المساومة لنال مبتغاه.. فغادر الي الدويم امس مثلما اتى ..بحقيبته..

رساله اخيره:
ويا ناس السودان..بالله عليكم.. ما تزاحموا عمكم بدروعكم وشالاتكم وحفلات تكريمكم.. دا اصلا لو لقيتوه.. بكون اسي في الدويم . عمكم دا ضد النجومية وما بحب الشهرة .فوفروا تعبكم وميزان حسناتكم
اعلان هنا بأرخص الاس

0 التعليقات :

إرسال تعليق

عربي باي